Ille es generalmente recognoscite como un del compositores le plus grande de musica classic. Ille es un del maestros del classicismo viennese e un del compositores le plus popular jammais.
Mozart e su soror, Maria Anna Mozart, esseva infantes prodigio. Ille sonava le cembalo in le etate de tres annos, comenciava componer in le etate de cinque annos e sonava ante le royales in Europa. Plus tarde ille anque sonava le piano e violino. In le etate de 17 annos ille esseva empleate como musico de corte in Salzburg ma deveniva sin reposo e viagiava pro trovar un melior empleo, durante que ille componeva multe obras. Visitante Vienna in 1781 ille esseva dimittite de su position in Salzburg. Ille decideva remaner in le capital, ubi ille obteneva fama ma poc securitate economic. Durante su ultime annos in Vienna ille componeva multe de su symphonias, concertos e opera le plus cognoscite e partes de su "Requiem" que remaneva non-finite, quando ille moriva, solmente 35 annos de etate. Ille lassava detra se su sposa Constanze e lor duo filios.
