Utah es un del 50 statos del SUA. Illo es notabile pro su rolo singular in le disveloppamento del Ecclesia de Jesus Christo del Sanctos del Ultime Dies, le qual es usque hodie le confession de 68% del population.[1] Le relievo del stato es montaniose e su climato generalmente aride. Le Great Salt Lake (Grande Laco Salin) es site in le nord-west del stato.
Toponimia
Utah toma le nomine del parola espaniol Yuta. Yuta es le nomine con que le espanioles denominava al indios de lingua shoshon que habitava in le actual valle del laco Utah. Iste toponimo es le modification del parola indigene qusutas, con le que le patre franciscan Gerónimo de Zárate Salmerón desginava iste populo in le anno 1620. Probablemente deriva del lingua apache occidental o del populo Jémez.
Historia
Usque 1849
Tribus amerindie
Duo tribus amerindie viviva in le region que constitui le actual stato de Utah il ha multe annos ante del arrivate del prime exploratores europee. Iste tribus esseva le anasazi e le fremonte. Iste tribus native american esseva subgruppos del etnia amerindie ute-aztec e esseva sedentari. Le anasazi construiva su residentias trans le montanias, e le fremontes construiva domos de palea ante de disparer del region in le seculo XV. Altere gruppo native american, le navajos, instalava se in le region in le seculo XVIII. In le mitate del seculo XVIII altere tribus uto-aztec como le gosiute, le paiute, le ute e le shoshone, anque instalava se in le region. Iste cinque gruppos esseva presente quando arrivava le prime exploratores europee.
Referentias
- ↑ United States information: Utah. Ecclesia de Jesus Christo del Sanctos del Ultime Dies (2 de februario 2010). Archivo del original create le 2011-10-04. Recuperate le 31 de augusto 2011. (anglese)
