Láadan es un lingua construite, professate de esser feminista[1], elaborate per Suzette Haden Elgin in 1982 pro probar le hypothese de Sapir–Whorf, specificamente pro determinar si le disveloppamento de un lingua con le scopo de exprimer le vistas de feminas formarea un cultura; un hypothese subsidiari era que linguas natural occidental pote melio servir pro exprimer le vistas de viros que de feminas. Le lingua era includite in su serie de science-fictionNative Tongue (Lingua indigena). Láadan contine plure parolas que son usate pro facer affirmationes clar e explicite que include como on se senti re lo que on dice. Secundo Elgin, isto es concipite pro contrariar le limitationes que le linguage androcentrista impone a feminas, qui son fortiate a responder "io sape que io diceva illo, sed io voleva dicer isto".
Phonologia
Tonos
Inusual pro linguas construite, Láadan es un lingua tonal. Illo usa duo tonos distincte:
lo – /lō/}} o /lò/, un tono curte, medie o basse, representate per un vocal singule, inaccentuate, non marcate
ló – /ló/, un tono curte e alte, representate per un vocal singule, accentuate e marcate
Le parola "Láadan" ha tres syllabas: "lá-" con le curte vocal /a/ plus alte tono; "-a" con le curte vocal /a/ e nulle tono; e "-dan".
(Alicunos analysa iste sequentias de tonos etiam como tonemas, pro un total de quatro tonos.)
Elgin prefere analysar le lingua como si illo non ha longe vocales e un singule tono, le alte tono (distinguite del "intonation neutre e basal"), sed illa recognosce que linguistas que usa altere formalismos serea justificate a dicer que il ha duo tonos, alte e basse (o inaccentuate o non marcate).[2]
Iste pagina contine material traducite ab Wikipedia in anglese. Le articulo original se trova a [[:en:{{{2}}}]], e es usate secundo le mandatos del licentia de Wikipedia.
