Abraham Lincoln ([ˈeɪbɹəhæm ˈliŋkən]; Hodgenville, Kentucky, SUA le 12 de februario1809 – Washington, D.C., SUA le 15 de april1865) esseva un advocato e politico qui deveniva le 16te presidente del Statos Unite de America, eligite per le Partito Republican in 1860 e reeligite in 1864. Ille opponeva le extension del sclavitude del nove statos in le west e esseva eligite presidente a causa de su opposition justo ante le eruption del Guerra Civil Statounitese. In 1863 Lincoln proclamava le libertate del sclavos in le sud (le Proclamation de Emancipation), e le 19 de novembre1863 ille pronunciava le famose Discurso de Gettysburg, in le qual ille sublineava le principios de equalitate, establite per le Patres Fundator del Statos Unite. Le oration esseva presentate al campo de battalia—un combatto decisive e sanguinose in le Guerra Civil, conducite in Pennsylvania durante le secunde invasion confederal a in le Union. Post tres dies (le 1–3 de julio1863) le Union vinceva post haber perdite 23.000 homines, le Confederation 25.000. Abraham Lincoln esseva assassinate alicun dies post le capitulation del Confederation.
