Alliance for Democracy jam'iyyar adawa ce a Najeriya. An kafa ta ranar 9 ga watan Satumba, 1998. A zaɓen ƴan majalisu na shekarar 2003, a ranar 12 ga Afrilun shekarar 2003, jam'iyyar ta samu kashi 8.8% na yawan kuri'un jama'a da kujeru 34 cikin 360 na ' yan majalisar wakilan kasar Najeriya da kujeru 18 cikin 109 na majalisar dattawan Najeriya.[1] An kafa jam’iyyar ne domin tallata manufar kabilar Yarbawa a tarayyar Najeriya biyo bayan soke zaɓen shugaban ƙasa da aka gudanar, na ranar 12 ga watan Yunin 1993 da aka yi imanin cewa Cif MKO Abiola, wani hamshakin attajiri ɗan ƙabilar Yarbawa ne ya lashe zaɓen.[2]
A shekarar 2007 Cif Dr. Christopher Pere Ajuwa, na yankin Neja Delta, ya yi takara amma ya sha kaye, a takarar neman kujerar shugaban Najeriya.[3][4]
Rikici
Jam’iyyar ta yi takun saka tsakanin Mojisola Akinfenwa da Adebisi Akande, inda har zuwa watan Satumban 2006, ɓangaren ƴan Bisi Akande yai maja da wasu jam’iyyun adawa suka kafa jam’iyyar Action Congress.[5]
Manufa da Maƙasudi
Jam'iyyar na shirin gabatar da abubuwa kamar haka:
- Ilimi kyauta;
- Shirin kula da lafiya kyauta;
- Hadaddiyar ci gaban karkara;
- Cikakken aiki
Manazarta
Hanyoyin haɗi na waje
