Ahmad Sulaiman Ibrahim
Rayuwa
Haihuwa	1966 (58/59 shekaru)
Sana'a

Ahmad Sulaiman Ibrahim wanda aka fi sani da Alaramma Ahmad Sulaiman, an haife shi ne a shekara ta alif dari tara da sittin da shida miladiyya (1966), Mahaddacin Alqur'ani ne kuma ɗan Najeriya ne, Malamin Addinin Musulunci ne, kuma Shahararren Masanin Alqur'ani mai girma ya samu lambobin yabo da dama a fadin duniya saboda bajintarsa wajen sanin Alqur'ani mai girma. Shaikh Ahmad Sulaiman ya kuma shahara wajen sarrafa harshe a yayin da yake rera AlQur'ani, don mutane da dama daga sassan duniya suna son muryarsa, haka kuma yayin da wasu suke kwaikwayon salon karatunsa. Malam Ahmad Sulaiman yayi Musabaƙa ta duniya har kusan sau 3 yana cin na 1, wannan yasa mutane suke ganin yana daga cikin masana Alqur'ani na duniya, ba wai Najeriya kadai ba.^[1]

An kuma haifi Ahmad Sulaiman a gidan sulaiman, mahaifinsa ya rasu tun yana ɗan shekara 6, sannan ya koma jihar Kano yana ɗan shekara 9 don neman ilimin Addini da kuma na zamani (Boko), Ahmad Sulaiman ya haddace Alqur'ani tun yana ƙarami. Haka yana cewa Dr Kabir Haruna Gombe yana cikin malamansa kuma Alarammansa a lokacin tafsirin Watan Ramadan, duk da cewa kusan duk inda Sheikh Kabir Haruna Gombe zaije wa'azi suna tareda Alaramma Ahmad Sulaiman, Ahmad Sulaiman mamba ne a ƙungiyar Jama'atu Izalatil Bid'ah wa Iqamatus Sunnah, babbar ƙungiyar Salafiyyah dake Najeriya.

A watan Maris ɗin shekara ta 2019 ne wasu masu garkuwa da mutane suka yi garkuwa da Sheikh Ahmad Sulaiman a hanyarsa ya fito mahaifarsa zai koma zuwa jihar Kano bayan ziyarar da ya kai a jihar Kebbi. Garkuwa dashi tazo gab da yana shirin aurar da ƴa-ƴansa mata biyu, an yi awon gaba da shi tare da wasu mutane biyar a ƙaramar hukumar Sheme/Ƙanƙara wadda wannan yana cikin yakin jihar Katsina.^[2][3][4][5] An sako Sheikh bayan kwanaki 15 da garkuwa dasu.^[6][7][8][9]

Dr Abdullahi Umar Ganduje gwamnan jihar Kano na wancan lokacin ya naɗa Ahmad Sulaiman a matsayin kwamishinan Ilmi na biyu a jihar Kano.^[10][11][12]