Ángel Ruiz Fidalgo, nado en Arcos de la Polvorosa (Zamora) o 8 de xullo de 1928, é un enxeñeiro agrónomo e político galego.
Traxectoria
Enxeñeiro Agrónomo pola Universidade Politécnica de Madrid e diplomado en Economía da Empresa e en Dereito Tributario e Asesoría Fiscal. Ingresou no Corpo Nacional de Enxeñeiros Agrónomos do Estado (1957) e foi xefe Agronómica de Pontevedra do Ministerio de Agricultura. En 1962, foi designado delegado do Servizo de Concentración Parcelaria en Galicia. Posteriormente ocupou os cargos de xefe do Servizo do Catastro de Rústicos do Ministerio de Economía e Facenda en Ourense (1967-80); xerente territorial do Centro de Xestión Catastral do Ministerio de Economía e Facenda en Ourense (1980-86); Conselleiro de Agricultura, Gandería, Montes e Medio Ambiente (1986-87) e inspector xefe de Impostos Inmobiliarios do Ministerio de Facenda en Ourense (1988-93). Desde setembro de 1993 é presidente da Xunta Reitora do Parque Natural Limia Baixa-Serra do Xurés en Ourense. Foi conselleiro da Caixa de Aforros de Ourense (1964-1972), vogal da Comisión Provincial de Urbanismo (1982-86), vogal da Comisión Superior de Urbanismo de Galicia (1994-99) e vogal do Xurado Provincial de Expropiación de Ourense (1988-93).
Véxase tamén
Ligazóns externas
