Zvonimir Boban, nado o 8 de outubro de 1968 en Imotski (Croacia), foi un futbolista. Xogaba de centrocampista e é mundialmente coñecido por ser xogador do AC Milan.
Traxectoria
Comeza a súa carreira no Dinamo Zagreb, destacando dende moi cedo, e tomando parte do equipo xuvenil de Iugoslavia que venceu en 1987 no Mundial xuvenil de Fútbol. Tras a independencia de Croacia, Boban pasou a xogar coa súa selección.
No ano 1991 marcha para Italia, ó club AS Bari, onde só fica unha tempada, xa que o AC Milan interesouse por el e fichouno. Aquí estivo xogando 9 tempadas, onde gañou 4 veces a Serie A, e unha vez a Champions League en 1994. Ao ano seguinte foron subcampións.
No ano 2001 foi cedido ao Celta de Vigo, o que foi o seu derradeiro club, xa que se retirou en 2002.
Coa selección de Croacia conseguiu un terceiro posto no mundial de Francia 1998, sendo o capitán e unha das estrelas do equipo. En total xogou 51 encontros e marcou 12 goles.
Despois da súa retirada, Boban rematou a carreira de Historia. É comentarista ocasional de deportes nunha televisión croata, RTL Televizija, e tamén na Sky Italia italiana.
.svg){kind=small}
