Xulia Vaquero Sousa, nada en Chamonix (Francia) o 18 de setembro de 1970, é unha ex atleta galega.
Filla de pais emigrantes, aos dous meses foi vivir a casa da súa avoa na Gándara (Salcidos, A Guarda). Comezou a practicar atletismo na escola, e comezou a gañar competicións de cross. Gañou oito campionatos de España consecutivos.
Non acadou a marca mínima para participar nos Xogos Olímpicos de 1992, pero si foi aos de Atlanta 1996, onde quedou 9ª na proba dos 10 000 metros.
Abandonou o atletismo profesional no ano 2000 logo de comezar tratamento psiquiátrico[2].
En 1997 foille concedida a Medalla de Prata de Galicia.
O seu adestrador foi Alfonso Ortega Casasnovas.
