PROFILPELAJAR.COM

Xoán, infante de Portugal
	;
Biografía
Nacemento	13 de xaneiro de 1400 ; Santarém, Portugal
Morte	18 de outubro de 1442 (42 anos); Alcácer do Sal, Portugal
Lugar de sepultura	Mosteiro de Batalha
Grão-Mestre da Ordem de Santiago da Espada (pt)
Datos persoais
Residencia	Évora
Relixión	Catolicismo
Actividade
Carreira militar
Conflito	2.º Cerco de Ceuta (pt)
Familia
Familia	Dinastía de Avis
Cónxuxe	Isabel de Barcelos (1424 (Gregoriano)–)
Fillos	Diogo de Portugal, Isabel de Portugal, Beatriz de Portugal
Pais	Xoán I de Portugal e Filipa de Lancaster
Irmáns	Beatriz, Condessa de Arundel; Isabel de Portugal, Duquesa de Borgoña; Henrique, duque de Viseu; Duarte de Portugal; Fernando, o Infante Santo; Pedro, Duque de Coimbra; Afonso I, Duque de Bragança

Xoán de Portugal, nado en Santarém o 13 de xaneiro de 1400 e finado en Alcácer do Sal o 18 de outubro de 1442, foi un infante de Portugal da dinastía de Avis.

Traxectoria

Foi fillo do rei Xoán I e da súa muller, a raíña Filipa de Lancaster. Foi condestábel de Portugal, sucedendo a Nuno Álvares Pereira, e aínda señor de Reguengos, Colares e Belas. En 1424, Xoán casou coa sobriña Isabel de Bragança, filla do duque Afonso.

Durante o reinado de Duarte de Portugal, Xoán uniuse ao seu irmán Pedro, duque de Coímbra na contestación á expedición a Tánxer que habería de acabar en desastre. Defendeu tamén a entrega da cidade de Ceuta, conquistada en 1415 a cambio da liberdade do Infante Santo, mesmo contra a vontade do propio.

No inicio do reinado do seu sobriño Afonso V de Portugal, a rexencia do reino foi entregado a Leonor de Aragón, a raíña nai. Esta decisión testamento do falecido rei provocou rexeitamento popular e ameazas de motíns en Lisboa. Foi Xoán que se instalou na capital, para evitar unha rebelión. Despois, rexeitando as ofertas de alianza de Leonor e Afonso, conde de Barcelos (o futuro duque de Bragança), defendeu a realización de cortes para nomear o duque de Coímbra novo rexente.