A Unión Nacional Africana de Kenya (Kenya African National Union), coa sigla KANU, é un partido político de Kenya.
O partido naceu en 1960 coa fusión da Unión Africana de Kenya (KAU), do Movemento Independente de Kenya e do Partido do Congreso do Pobo. O seu primeiro líder foi Jomo Kenyatta, que fora presidente da KAU dende 1943, e que se tornou o primeiro Presidente de Kenya.
Foi o partido maioritario do estado dende a súa independencia en 1963 e, no 1982, a Asemblea Nacional emendou a Constitución e crearía un país monopartidario. En 1991 a Asemblea revogou a emenda, mais nas eleccións de 1992 e 1997, o presidente Daniel arap Moi (sucesor de Jomo Kenyatta na KANU) mantivo a posición presidencial e de maioría no Parlamento.
No 2002, a KANU e o seu candidato presidencial, Uhuru Kenyatta, o fillo do primeiro presidente de Kenya, perdían por unha ampla marxe contra Mwai Kibaki, apoiado pola coalición NARC [1], rematando así case corenta anos de supremacía. Logo destas eleccións o partido divídese en dúas faccións, unha delas lideradas por Uhuru Kenyatta, uniuse ao Partido Liberal Democrático de Kenya (PLD), para formar o ODM-Kenya (sigla de Movemento Democrático Laranxa), mentres que o propio KANU ficaba numericamente enfraquecida. No 2007, a KANU entrou no Partido de Unidade Nacional, unha coalición que apoiou a Mwai Kibaki.
Véxase tamén
Política de Kenya
Notas
- ↑ ElectionGuide.org Resultados das eleccións de 2002 Arquivado 25 de agosto de 2009 en Wayback Machine. (en inglés)
