O Templo de Apolo Patroos é un pequeno templo xónico en ruínas, construído entre os anos -340 e -320. Ten 16,5 m de longo e 10 m de ancho e érguese ao noroeste da ágora de Atenas, preto da stoá de Zeus[1][2][3]. É considerado o fundador da raza xónica e protector das familias, o interior do templo tiña unha estatua para o culto dedicada ao deus, e esculpida polo escultor grego Eufranor[4].
O deus puido ser chamado Patroos polos atenienses despois da chegada de Ión, cando se instalou en Atenas porque os seus reis eran uns ineptos para a guerra[5].
Un monumental torso de mármore vestido cun longo quitón, atopado preto do templo e exposto no museo da ágora, foi recoñecido como a estatua de Apolo Patroos. O sekos do templo comunicaba polo norte cunha pequena sala, quizais o áditon ou un santuario interior.
↑John McK. Camp, Craig A. Mauzy: The Athenian Agora: A Short Guide to the Excavations. American School of Classical Studies at Athens. 2003. 9780876616437 aquí
