En España denomínase televisión autonómica a aquela canle de televisión pública que emite nun ámbito autonómico e está xestionada por unha comunidade autónoma.
Historia
Xurdiron a partir da Lei da Terceira Canle impulsada polo goberno de Felipe González. Esta tiña como obxectivo nun principio a creación dunha terceira canle de Televisión Española con desconexións para cada Comunidade, pero os gobernos autonómicos lográronse adiantar e rachar o monopolio de TVE. As primeiras televisións autonómicas en emitiren foron a catalá TV3 e a vasca ETB en 1983, e a TVG en 1985.
