Soledad Castro Soliño

Biografía
Nacemento	25 de maio de 1965 (59 anos)
Actividade
Ocupación	fondista
Deporte	atletismo

Soledad Castro Soliño, nada en Mos^[1] o 25 de maio de 1965, é unha atleta galega.

Afeccionada aos deportes, comezou xogando nun equipo de fútbol feminino da parroquia de Tameiga, fichando logo polo Abrente e iniciouse no atletismo aos 19 anos, no Celta de Vigo. En novembro do 1992 ficha polo Comesaña Sporting Club. No seu palmarés conta con numerosas medallas en campionatos a nivel galego e español en campo a través, 10.000 m, 3.000 m e medio maratón. Nas competicións internacionais salientan: en 2002 Campioa de Europa veterana de 5.000 m e 10.000 m en Potsdam (Alemaña); en 2003 Campioa do Mundo veterana de 10.000 m e Subcampioa do Mundo veterana de Campo a Través e 5.000 m en Carolina (Porto Rico); en 2004 Subcampioa de Europa de 5.000 m e 10.000 m en Århus-Randers (Dinamarca); en 2005 Campioa de Europa W35 de Medio Maratón, 2ª xeral en Monte Gordo (Portugal).

Colabora nas páxinas de cultura do periódico A Peneira, cunha sección titulada Historias do tranvía onde asina como M. Soledad Castro.

• As medallas e marcas na web do Comesaña Sporting Club