O 21 de xuño de 1948, os discos de doce polgadas (30 cm), coñecidos tamén como LP, foron presentados pola empresa Columbia Records nunha rolda de prensa en Nova York. En febreiro de 1949, RCA Victor lanzou os primeiros sinxelos de 45 RPM, pero en discos máis pequenos de sete polgadas de diámetro, cun buraco no centro máis grande, para obrigar ao usuario a ter que comprar tocadiscos con este novo mecanismo.[Cómpre referencia] Na actualidade, moitos dos EP que se publican neste formato teñen o buraco pequeno como os LP.
