O Cubia é un río do centro de Asturias, afluente do río Nalón pola esquerda. Ten unha lonxitude de 41 km.
Nace no Pico La Berza, a uns 1.300 metros sobre o nivel do mar, na serra de Porcabezas. O nacemento atópase na parroquia de Tolinas, no concello de Grau. Pasa polas localidades de Tolinas, Las Villas, Villamarín, Santianes de Molenes, Cubia, Perea. La Mata, Grao e Castañéu. Desemboca no río Nalón na parroquia de Castañéu, no concello de Grau.
Os seus principais afluentes son os ríos Vega e Menéndez.
