Roger W. Burdette

Biografía
Nacemento	18 de setembro de 1946
País de nacionalidade	Estadounidense
Educación	Universidade de Maryland.
Actividade
Ocupación	Numismático.

Roger W. Burdette, nado o 18 de setembro de 1946, é un escritor e investigador numismático estadounidense.

Roger W. Burdette licenciouse na Universidade de Maryland, onde logo acadou un mestrado en Educación.^[1]

A súa dedicación profesional está relacionada co ámbito dos sistemas de información e o desenvolvemento de software. Durante 13 anos exerceu como consultor independente en compañías como IBM ou Marriott Corporation,^[2] e posteriormente vinculouse laboralmente a unha organización sen ánimo de lucro.^[1]

Burdette foi coleccionista de moedas durante máis de catro décadas. Como investigador numismático, centrou o seu interese na historia da moeda dos Estados Unidos, sinaladamente do primeiro terzo do século XIX, o que el denomina como "rexurdimento da moeda estadounidense".^[2] É, ademais, un especialista en fotografía numismática.^[1]

Burdette é membro da Rittenhouse Society. Formou parte do Comité Consultivo Cidadán sobre a Moeda entre 2008 e 2012,^[1] e exerceu como consultor da Casa da Moeda dos EEUU e foi asesor en materia de autenticación de diversos museos, compañías de certificación, outras entidades e coleccionistas particulares.^[2]

En 2021 foi incluído pola revista Coin World na lista das persoas máis influentes da numismática no período 1960-2020.^[1][2]

• (2021). Premio Clemy, do Gremio Literario Numismático dos Estados Unidos.^[3][4]

Burdette colaborou con máis de 70 artigos en revistas especializadas estadounidenses como Coin World, Coins e The Numismatist, da American Numismatic Association. Estes son os principais traballos monográficos publicados por el ao longo da súa traxectoria:^[1][2][5]

• (2005). Renaissance of American Coinage, 1916-1921. Seneca Mill Press. ISBN 978-0976898603
• (2006). Renaissance of American Coinage, 1905-1908. Seneca Mill Press. ISBN 978-0976898610
• (2007). Renaissance of American Coinage, 1909-1915. Seneca Mill Press. ISBN 9780976898627
• (2008). A Guide Book of Peace Dollars. Whitman Pub. ISBN 978-0794826697
• (2010). Annual Assay Commission: United States Mint 1800-1943. ISBN 9780976898634
• (2011). Silver Dollars Struck Under the Pittman Act of 1918. Seneca Mill Press. ISBN 9780976898641
• (2012). United States Pattern and Experimental Pieces of WW-II. Seneca Mill Press. ISBN 9780976898658
• (2013). From Mine to Mint. ISBN 978-0976898672
• (2016). United States Proof Coins 1936-1942. Seneca Mill Press. ISBN 9780989959513
• (2017). Truth Seeker: The Life of Eric P. Newman (con L. Augsburger e J. Orosz). Ivy Press. ISBN 978-1633513709
• (2019). Girl on the Silver Dollar. Autoedición. ISBN 9780989959551
• (2019). Private Pattern and Related Pieces: International Nickel & Gould Incorporated. Autoedición. ISBN 9780989959544
• (2021). Fads, Fakes & Foibles. Seneca Mill Press. ISBN 9780989959568
• (2023). Saudi Gold and Other Tales from the Mint. Autoedición. ISBN 9780989959575

• Smith, P. (2012). "Burdette, Roger, W.". En American Numismatic Biographies. Páxina 67.