O Ribera Navarra Fútbol Sala, coñecido por motivos de patrocinio como Aspil-Vidal Ribera Navarra, é un equipo de fútbol sala español da cidade de Tudela (Navarra), fundado en 2001. Dende a tempada 2011/12 xoga na Primeira División da Liga Nacional de Fútbol Sala.
Historia
O Ribera Navarra FS xestouse a finais de 2000, cando un grupo de persoas liderado por José Luis Ruiz creou un equipo para toda a comarca, ata entón sen representación nese deporte. En marzo de 2001 constituíuse oficialmente como Ribera Navarra Fútbol sala, e durante as súas primeiras tempadas xogou en Primeira Nacional B, así como en torneos comarcais e rexionais.
No ano 2004/05 xogou por primeira vez en Primeira Nacional A, terceira categoría do futsal español, ao fusionarse e tomar a praza do Metales San Jorge. Con todo, o seu paso pola categoría durou só esa tempada e ao ano seguinte descendeu a Nacional B. Durante todo ese tempo, Ribera Navarra traballou en consolidar os equipos xuvenís e en crear unha escola de fútbol sala para a cidade de Tudela, que abriu en 2006.
Ribera Navarra subiu a División de Prata na tempada 2008/09, onde permaneceu dúas tempadas baixo o patrocinio de Ríos Renovables, unha empresa de enerxías renovables. Cun forte investimento en fichaxes, na súa maioría xogadores veteranos ou descartes doutros clubs, Ribera Navarra subiu a División de Honra na tempada 2010/11. O equipo finalizou a tempada regular en segunda posición, e venceu no playoff de ascenso a BP Andorra e UPV Maristas Valencia.
Para afrontar a máxima categoría, o club reestruturouse. En febreiro de 2017, José Luis Ruiz dimitiu como máximo responsable da entidade, facéndose cargo como presidente Alberto Ramírez Arregui.
Datos do club
- Tempadas en 1ª: 8
- Tempadas en 2ª: 2
- Tempadas en 2ªB: 3
- Tempadas en 3ª: 5
Historial na liga
| Tempada
|
Categoría
|
Posto
|
| 2001/02
|
1ª Nacional B
|
—
|
| 2002/03
|
1ª Nacional B
|
—
|
| 2003/04
|
1ª Nacional B
|
—
|
| 2004/05
|
1ª Nacional A
|
—
|
| 2005/06
|
1ª Nacional B
|
—
|
| 2006/07
|
1ª Nacional B
|
—
|
| 2007/08
|
1ª Nacional A
|
10º
|
| 2008/09
|
1ª Nacional A
|
2º
|
| 2009/10
|
D. Prata
|
13º
|
|
|
Véxase tamén
Ligazóns externas
