Refinería da Coruña

Para outras páxinas con títulos homónimos véxase: A Coruña.


Repsol

Editar o valor en Wikidata
TipoSociedade Anónima
Fundación1964
MatrizRepsol
LocalizaciónBens, s/n
15008 A Coruña
Persoas claveLuis Llamas (director)
IndustriaPetróleo
ProdutosRefinado
Derivados do petróleo
Gas GLP
Número de empregados600 (en 2009)[1]
[ editar datos en Wikidata ]

Refinería da Coruña é unha empresa galega de refinado de petróleo, inaugurada na Coruña o 11 de setembro de 1964. A planta está situada entre os núcleos coruñeses de Bens e Nostián, e a súa superficie ocupa terreos dos concellos de Arteixo e A Coruña. Actualmente é propiedade de Repsol, con sede en Madrid. Ten unha capacidade de refinado de 120.000 barrís/día e unha extensión dunhas 150 ha.

Historia

En 1961 o Ministerio de Industria autorizou a Marathon Oil Company (antiga The Ohio Oil Company) e á Compañía Ibérica de Petróleos, S.A. (PETROLIBER) a construción dunha refinaría de petróleo no norte de España. En 1962 decidiuse a súa construción na Coruña. A normativa de 1964 suxería unha distancia mínima de 2000 metros ao núcleo de poboación máis próximo. Ese terreo baleiro que separaba a refinaría da cidade da Coruña sería o futuro Polígono A Grela - Bens. En ampliacións sucesivas a refinaría chegou ata o concello de Arteixo.

Cruzando a cidade dende o porto ata a refinaría hai 14 tubos dun diámetro dende 15 cm ata 60 cm. Un oleoduto de 6,5 km que cruza toda a cidade para levar o petróleo dende o porto á refinaría e os produtos refinados dende a refinaría ata o porto[2].

Repsol ten en concesión a terminal petroleira no porto da Coruña ata 2027 e pendente fixar a data para o seu traslado a Punta Langosteira (Arteixo)[3].

O 12 de maio de 1976 o Urquiola encallou na agulla do baixo das Xacentes partindo en dous. O 3 de decembro de 1992 o buque Aegean Sea encallaba e ardía preto da Torre de Hércules.

En 2011 o Tribunal Superior de Xustiza de Galicia fallou a favor do concello de Arteixo na repartición do imposto de actividades económicas que paga Repsol[4]. A Coruña queda co 74,6% e Arteixo co 25,4% do imposto de actividades económicas.

É a primeira refinaría do mundo en obter a certificación enerxética ISO 50001[5].

O 10 de outubro de 2012 produciuse un incendio na refinaría sen danos persoais[6]. En 2018 obtivo certificación ISO 45001 por AENOR.[7]

Produtos

  • Propileno.
  • Nafta.
  • Queroseno.
  • Gases GLP.
  • Gasolina e Gasóleo.

Coque Asfaltos

Notas

  1. ↑ Paola Obelleiro (12 de setembro de 2009). "45 años viviendo junto a la "bomba controlada"". El País (en castelán). 
  2. ↑ Marta Villar (8 de marzo de 2009). "Un río de oro negro bajo la ciudad". La Opinión (en castelán). 
  3. ↑ Dolores Vázquez. "Repsol mantiene el suspense sobre el traslado a Langosteira". La Voz de Galicia (en castelán). 
  4. ↑ "A Coruña se persona en el pleito por el reparto del IAE de la refinería". La Opinión (en castelán). 19 de maio de 2012. 
  5. ↑ "A refinaría de Repsol A Coruña é a primeira do mundo en obter a ISO 50001 de Xestión Enerxética". repsol.com. 13 de setembro de 2011. Arquivado dende o orixinal o 30 de xuño de 2013. Consultado o 17 de xullo de 2012. 
  6. ↑ "Un incendio pone en alerta a la refinería de Repsol". La Opinión (en castelán). 11 de outubro de 2012. 
  7. ↑ "La refinería logra la certificación de su sistema de seguridad". La Opinión. 15 de novembro de 2018. 

Véxase tamén

Ligazóns externas