Ramón Legerén Paz, nado en Caldas de Reis cara a 1895 e finado no mesmo concello o 11 de maio de 1985,[1] foi un perito agrícola, empresario e político galego.
Traxectoria
Fillo de David Legerén Cespón. Perito agrícola. Xunto cos seus irmáns David e Jesús, era dono do Hotel Balneario Dávila de Caldas de Reis. Foi reelixido presidente da sociedade "Caza, Pesca y Vigilancia de la propiedad" de Caldas de Reis en 1934.[2] Logo do golpe de Estado do 18 de xullo de 1936 foi destituído como substituto do rexistrador da propiedade de Caldas de Reis,[3] e permaneceu agochado. Fundou en 1941 a Asociación Artístico Cultural de Caldas de Reis.
Vida persoal
Casou con Luisa Celia Torres Martínez.
Notas
- ↑ Necrolóxica en La Voz de Galicia, 11-5-1985, p. 68.
- ↑ La Voz de Galicia, 17-3-1934, p. 9.
- ↑ La Voz de Galicia, 18-8-1936, p. 5.