Rain é un filme bahamés de 2008 dirixido e escrito por Maria Govan. Esta foi unha das primeiras longametraxes rodadas integramente por cidadáns das Bahamas. Rain está entre os últimos traballos do actor Calvin Lockhart.
Sinopse
Unha moza bahamesa, Rain, embarca dende a Illa Ragged[3] e marcha cara a Nassau. A morte da súa avoa obrigouna a saír e explorar o mundo pola súa conta. Cando ela chega a Nassau, as vistas da gran cidade abáfana, e axiña atopa as súas ilusións idealistas esnaquizadas cando descobre o destrutivo que se fixo o estilo de vida da súa nai. Varada nun ambiente descoñecido que a enche de medo e enfrontada a unha nai que nunca coñeceu, Rain busca desesperadamente atopar o seu propio lugar no mundo.
Personaxes
- CCH Pounder como Ms. Adams
- Nicki Micheaux como Glory
- Renel Brown como Rain
- Irma P. Hall como Rosalie
- Marion Bethel como Ms. Wells
- Ron Butler como The Preacher
- Margaux Dillet como Manman Magdaline
- Chrishawn Ferguson como Sinu
- Roger Gibson como Prèchè
- Trenae Johnson como Keva
- Juanita Kelly como Margo
- Calvin Lockhart como Samuel
Produción
Rain foi o primeiro filme dirixido por Maria Govan, que recadou o orzamento dun millón de dólares a través de investidores bahameses.[1] ITamén foi unha das primeiras longametraxes que se produciron integramente nas Bahamas (o primeiro foi "Filthy Rich Gangster"), país que fora durante moito tempo un lugar de rodaxe para os filmes James Bond[4] A película de Govan rodouse durante catro semanas en tres illas diferentes das Bahamas, incluíndo Nova Providencia[5] e Eleuthera;[4] a rodaxe tamén tivo lugar na cidade de Nova York.[4]
Notas
- ↑ 1,0 1,1 1,2 Danielsen, Shane (2008-12-05). "Sand, surf, cinema: tropical locations and climate only part of young event's growing appeal". Variety (Reed Business Information) 301 (43): A19.
- ↑ "'Rain' in Bahamas". The Hollywood Reporter (VNU/Nielsen Business Media) 406 (26): 6. 2008-09-12.
- ↑ Simon, Alissa (2008-09-16). "Review of Rain (Bahamas)". Variety (Reed Business Information). Consultado o 2010-08-22.
- ↑ 4,0 4,1 4,2 Lacher, Irene (2007-05-15). "Treasure island: some of Hollywood's biggest franchises have filmed in the Bahamas". The Hollywood Reporter (VNU/Nielsen Business Media) 399 (30): 25.
- ↑ Dretzka, Gary (2010-07-27). "DVD reviews: July 27, 2010 (Rain)". Movie City News (MCN). Arquivado dende o orixinal o 1 de agosto de 2010. Consultado o 2010-08-22.
