Para outras páxinas con títulos homónimos véxase:
Punto.
Na Xeometría, os puntos non posúen volume, área, lonxitude ou calquera dimensión semellante. Así, un punto é un obxecto de dimensión 0 (cero).[1] Un punto tamén pode ser definido coma unha esfera de diámetro cero.
Xeometría euclidiana
Nos Elementos de Euclides, un punto é definido coma "o que non ten partes". Isto significa que o que caracteriza un punto é a súa posición no espazo.[2] Co xurdimento da xeometría analítica, pasou a ser posíbel referirse a esa posición a través de coordenadas.[3]
Xeometría proxectiva
Na xeometría proxectiva, un punto é un elemento dun espazo proxectivo, ou sexa, é unha recta.[4]
Topoloxía
En topoloxía, un espazo topolóxico é un conxunto de puntos, aos cales está asociada unha noción de proximidade. Porén, existe unha abordaxe recente da topoloxía, chamada a topoloxía sen puntos, que estuda os espazos topolóxicos sen se referir aos puntos que os constitúen. Esta abordaxe encádrase na teoría das categorías.[5]
Notas
Véxase tamén
Outros artigos