Pico Viejo ou Montaña Chahorra é un volcán situado na illa de Tenerife, Illas Canarias. Constitúe o segundo pico máis alto de Tenerife e Canarias tras o Teide cunha altura de 3.135 m sobre o nivel do mar.
Este edificio forma parte do complexo volcánico Pico Viejo-Teide que comezou a súa formación fai aproximadamente 200.000 anos no centro da illa. O seu cráter, duns 800 metros de diámetro, é un dos cráteres satélites que se reparten ao redor do Teide. No ano 1798 entrou en erupción e constituíu os chamados Narices do Teide. Esta erupción viño a ser a última das acaecidas dentro dos límites do Parque Nacional do Teide e a de maior duración das erupciones históricas de Tenerife, lanzando material volcánico durante tres meses.
