Pedro Otero Romero Torres foi un escritor galego do século XVIII.
Traxectoria
Pouco se sabe da vida deste escritor. Sábese que viviu en Padrón e que foi avogado do rei español Filipe V. Entre 1713 e 1735 escribiu unha versión da Crónica de Santa María de Iria, unha crónica medieval, que foi atopada en 2009 na Biblioteca Nacional de España, a canda outros textos menores e documentos xudiciais escritos en lingua española.
Segundo o historiador Antonio López Ferreiro, a obra de Otero Romero Torres constaría de sete volumes, dos que a esta crónica iriense sería unicamente o quinto. Os outros seis están desaparecidos. A Crónica de Pedro Otero é o maior texto en prosa dos Séculos Escuros da literatura galega[1].
Notas
- ↑ César Lorenzo Gil, O enigma do manuscrito de Padrón, A Nosa Terra, 1382, 19-25 de novembro de 2009.
