PROFILPELAJAR.COM

Pedras de Jelling
	(2012)
Tipo	Pedra rúnica nórdica; Q6505852
Parte de	Túmulos, pedras rúnicas e igrexa de Jelling
Localización
División administrativa	Vejle, Dinamarca
Localización	Jelling
	55°45′24″N 9°25′11″L / 55.75657, 9.4196
Composto por	pedra rúnica de Gorm ; pedra rúnica de Harald
Características
Monumento antigo protexido en Dinamarca
	pedra rúnica de Gorm
Identificador	116756
	;
Monumento antigo protexido en Dinamarca
	pedra rúnica de Harald
Identificador	188448

Este artigo amosa escritos rúnicos. Sen o soporte axeitado, o texto pode mostrar símbolos sen sentido, coma caixas, marcas e outros.

A designación pedras de Jelling refírese a dúas pedras rúnicas que se atoparon na localidade de Jelling, en Dinamarca.

En 1994, pasaron a formar parte da lista do patrimonio da humanidade, da Unesco, xunto coa igrexa e os montes veciños, onde se atopan os túmulos do rei Gorm o vello de Dinamarca e da súa dona, Thyra. Este patrimonio constitúe un exemplo notable da transición da era pagá cara a era cristiá en Dinamarca.

Ademais de inscricións rúnicas, unha das pedras posúe unha mestura de motivos pagáns e cristiáns debido á presenza dun Cristo.

A pedra grande de Jelling

A pedra grande de Jelling é unha pedra rúnica erixida por Harald I de Dinamarca no ano 965, en Jelling, Dinamarca.

Tradución das inscricións da pedra en Antigo nórdico, Dinamarqués e Galego:

: : :

  HARALTR        KUNUKR      BATH     KAURUA 
  HARALD         KONGE       BØD      GØRE 
  HARALD         REI         MANDOU   FACER

: : : : :

KUBL    THAUSI   AFT     KURM    FATHUR    SIN
KUMLER  DISSE   EFTER    GORM    FADER     SIN
ERGUER  ESTAS  NA HONRA  DE GORM PAI       SEU

: : : : :

AUK     AFT    THAURUI    MUTHUR    SINA,    SA  
OG     EFTER    THYRA      MODER     SIN,    DEN 
E     NA HONRA DE THYRA    NAI       SÚA,    O

: : : :

   HARALTR     IAS   SAR    UAN        TANMAURK
   HARALD      SOM   SIG   VANDT       DANMARK     
   HAROLD     QUE PARA SI CONQUISTOU  A DINAMARCA

: :

ALA     AUK      NURUIAK
AL      OG       NORGE
TODA    E        A NORUEGA

: : :

AUK     TANI     KARTHI    KRISTNA
OG     DANERNE   GJORDE    KRISTNE
E OS DINAMARQUESES FIXO    CRISTIÁNS

Esta pedra é considerada a certificación do nacemento de Dinamarca.

A pedra pequena de Jelling

Ao lado da pedra grande, atópase a pedra pequena de Jelling, erixida por Gorm o Vello, no ano 955.

Na inscrición pódese ler o seguinte:

kurmr kunukr karthi kubl   thusi aft     thurui    kunu  sina tanmakar    but
Gorm  konge  gjorde kumler disse efter   Thyra     kone  sin  danmarks    bod
Gorm  rei    fixo   erguer esta na honra de Thyra dona súa da Dinamarca homenaxe

Esta pedra constitúe a referencia máis antiga ao nome de Dinamarca dentro das súas fronteiras. O nome aparece 75 anos antes, en referencias doutros países.

O significado das últimas palabras "danmarks bod" é incerto, sen saberse exactamente se fan referencia a Gorm ou a Thyra.

A pedra foi colocada orixinalmente entre os montes onde se atopaban as sepulturas de Gorm e Thyra, existindo referencias do século XVII que indican que se colocou xunto á porta da igrexa, onde se atopa na actualidade.