O pazo de Anzuxao atópase no lugar de Anzuxao, na parroquia de Madriñán, pertencente ao concello de Lalín. O pazo está construído en cantaría de granito de pequeno tamaño con perpiaño nos cantos, ten planta en L e conta cunha escaleira lateral e galería con balaústre de pedra. Conta ademais cunha pequena capela con espadana, solaina, hórreo, lareira e pombal.

As orixes do pazo remóntanse a 1713 e relaciónase coa familia Andrade.

O escudo da fachada procede do pazo de Calzada (Bendoiro). Na actualidade a carón do pazo está situada unha fábrica de derivados lácteos.

• Pazos de Galicia

• Lácteos Anzuxao, con información e fotos do pazo.