Pantxoa eta Peio foi un grupo de música de canción popular do País Vasco con letras integramente en éuscaro, formado en 1969 por Pantxoa Carrere (cantante, guitarra e trikitixa) e mais Peio Ospita (cantante e guitarra).
Historia
O grupo estivo formado polos músicos lapurdiáns Pantxoa Carrere e Peio Ospita, que tocaban xuntos desde a infancia e gravaron o seu primeiro disco en 1969, dando o seu primeiro concerto en 1971 no País Vasco Sur. A maioría das letras das súas cancións foron escritas por Manex Pagola, con amplas colaboracións posteriores con Roger Idiart e Telesforo Monzón. Varias das cancións do dúo, como "Itziarren semea" ou "Lepoan hartu ta segi aurrera", convertéronse nalgunhas das cancións folk máis populares dos anos 70 en Euskal Herria. En 1975 lanzaron o seu primeiro LP dobre -unha colección de cancións gravadas en pequenos discos, formada por temas que só cantaban en directo- cun alto número de vendas[1]. Despois de pasar 25 anos na industria da música, comezaron a reunirse de forma intermitente desde o 1992 ata o 2012 cando anunciaron que seguirían carreiras por separado.
En 1972 Pantxoa Carrere creou na cidade de Baiona a editorial Elkar (Euskal Liburu eta Kanten Argitaldaria).[2] Foi a discográfica da banda, coa que compartían o principio de promoción da cultura vasca e da loita contra a diglosia sobre o vasco.
Discografía
Álbums
Itziarren semea (1969, Mende Berri), discográfica disko txikia.
Ez dut saldu arima (1970, Dizkola), discográfica disko txikia.
Aita kartzelan duzu (1971, Goiztiri), discográfica disko txikia.
Peio / Pantxoa (1975, Herri Gogoa)
Peio Ospital eta Pantxoa Carrere (1975, Elkar)
Euskalduna naiz eta maite dut herria (1978, Elkar)
