Núria Castell Ariño, nada en L´Hospitalet de Llobregat en 1958, é unha enxeñeira en informática e profesora de universidade catalá, especialista en Procesamento da Linguaxe Natural, ex decana da Escola Superior de Informática de Barcelona (FIB) e cunha longa traxectoria a favor da redución da fenda de xénero na enxeñaría informática.[1]
Traxectoria
Licenciada e doutora en Enxeñaría Informática pola UPC. Foi vicedecana de Relacións Internacionais da FIB (2004-2010) e decana da FIB (2010-2017).[1] Cofundadora do Centro de Investigación en Ciencia Intelixente de Datos e Intelixencia Artificial (IDEAI-UPC).
Publicou artigos en congresos, revistas e libros, principalmente relacionados co tratamento da linguaxe natural.[1]
Premios e recoñecementos
- Premio Ada Byron do CPEIG en 2022, compartido con Karina Gibert.[1]
- Mención honorífica do premio Creu Casas "Mulleres para cambiar o mundo", IEC en 2020 [2]
- Premio UPC ao Compromiso Social en materia de igualdade de xénero 2020 (individual) [3]
- Premio UPC ao Compromiso Social en materia de igualdade de xénero 2021 (colectivo) [4]
- Premio Salvà i Campillo á personalidade destacada da noite 2021 [5]
- Mención a M. Encarna Sanahuja Yll (colectiva) da Generalitat de Catalunya en 2021.[6]
- Mención FIB da Festa 2018.[7]
- Distinción Jaume Vicenç Vives, Departamento de Universidades, Investigación e Sociedade da Información - Generalitat de Catalunya, sept. 2005 [8]
- Premio á Calidade da Docencia Universitaria do Consello Social da UPC 2005. [8]
Notas
