Nieves Lorenzo González, nada en 1971[1], é Física e catedrática de Física na Universidade de Vigo (Uvigo).
Traxectoria
Estudou Física na Universidade de Santiago de Compostela, onde realizou o seu doutoramento.[2]
Os seus intereses como investigadora inclúen os estudos de: Dinámica Atmosférica, Oceanografía Física, Interacción atmosfera-océano, modelos numéricos, cambio climático, Biometeoroloxía, Agrometeoroloxía e Sistemas non lineais.
Promove a participación das mulleres na ciencia e a tecnoloxía, con iniciativas como Exxperimenta en feminino,[3] unha actividade divulgativa na que se presentan talleres científicos e tecnolóxicos guiados por mulleres do Campus de Ourense nos que pode participar o estudiantado non universitario.
Dende decembro de 2023 é a directora da Escola de Enxeñaría Aeronáutica e do Espazo.[4]
Notas
