Ne Zha
Ficha técnica
Título orixinal	哪吒之魔童降世 Nézhā zhī Mótóng Jiàngshì
Director	Jiaozi
Produtor	Wei Yunyun Liu Wenzhang[1]
Guión	Jiaozi
Baseado en	Fengshen Yanyi de Xu Zhonglin[2]
Intérpretes	Lü Yanting Joseph Han Mo Chen Hao Lü Qi Zhang Jiaming Yang Wei[3]
Música	Wan Pin Chu[1]
Estudio	Chengdu Coco Cartoon[4]
Distribuidora	Beijing Enlight Pictures[4]
Estrea	Pequín: 11 de xullo de 2019[5]
Duración	110 minutos[6][3][7]
Orixe	China
Xénero	Animación
Orzamento	20 millóns de dólares[8]
Recadación	723,65 millóns de dólares (China)[9] 728,99 millóns de dólares (internacional)[10][11]
Na rede
http://www.wellgousa.com/films/ne-zha

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

Ne Zha^{[6][12][3][13]} (en chinés: 哪吒之魔童降世;^[3] Nézhā zhī Mótóng Jiàngshì), tamén escrito como Nezha,^[14][13][15] é un filme chinés de animación de 2019 dirixido e escrito por Jiaozi.^[15] A produción da animación foi realizada por Chengdu Coco Cartoon, do propio director.^[4][16] Conta a historia do popular personaxe da mitoloxía chinesa Nezha, e o argumento está vagamente baseado na novela clásica Fengshen Yanyi, atribuída a Xu Zhonglin.^[2][17]

Estreouse na China exclusivamente en cinemas IMAX e China Film Giant Screen^[7] o 13 de xullo de 2019, e posteriormente noutros cinemas o 26 de xullo,^[3] sendo distribuído por Beijing Enlight Pictures.^[4] É o primeiro filme de produción chinesa estreado en formato IMAX,^[16] e, malia ser o primeiro filme do director e do estudio de animación, e non contar con voces coñecidas de dobraxe, foi un dos meirandes éxitos comerciais da historia da animación e do cinema chinés, estabelecendo numerosos récords de recadación: en agosto de 2019, era o filme de animación con maior recadación da China,^[18] e o segundo filme en lingua non inglesa con maior recadación de tódolos tempos. Con máis de 725 millóns de dólares,^[9] foi o cuarto filme de animación do ano e o segundo de tódolos tempos na China.^[19]

Foi escollido como candidato da China para o Óscar ó mellor filme internacional na 92ª edición dos premios,^[20] converténdose no primeiro filme animado da China en conseguilo,^[21] mais finalmente non foi nomeado. Unha secuela, Jiāng Zǐyá, será estreada a comezos de 2020.

• Lü Yanting como Nezha de neno, fillo de Li Jing e Lady Yin.
• Joseph (囧森瑟夫) como Nezha adolescente
• Han Mo como Ao Bing
• Chen Hao como Li Jing
• Lü Qi como Lady Yin
• Zhang Jiaming como Taiyi Zhenren
• Yang Wei como Shen Gongbao

• Filmes da China propostos ó Óscar ó mellor filme internacional
• Filmes propostos ó mellor filme internacional na 92ª edición dos Óscar

• Ne Zha na IMDb (en inglés).
• Ficha en AllMovie (en inglés)
• Ficha en BoxOfficeMojo (en inglés)
• Ficha en RottenTomatoes (en inglés)