Navío
Igrexa de San Fiz de Navío.
Concello	San Amaro[1]
Provincia	Ourense
Coordenadas	42°22′13″N 8°05′04″O / 42.37018988, -8.08454554
Poboación	72 hab. (2023)
Entidades de poboación	15[1]
[ editar datos en Wikidata ]

San Fiz de Navío é unha parroquia do concello de San Amaro na comarca do Carballiño, na provincia de Ourense. Segundo o IGE,^[2] en 2023 tiña 72 habitantes (37 homes e 35 mulleres), distribuídos en 15 entidades.

Ata ben avanzado o século XIX, formaba parte da xurisdición de Roucos, sobre a que tiña señorío o Conde de Ribadavia, que en San Fiz compartía con Pedro de Toubes.

• Igrexa de San Fiz de Navío, románica, situada nunha das abas que miran ao río Avia. Planta dunha soa nave e ábsida rectangular. Na fachada ten escudo e dobre arquivolta sobre a porta occidental, de arco de medio punto e tímpano con cruz con catro pombas aos lados. Unha cruz patriarcal remata a espadana, ao igual que na ábsida, que ten tamén o año pascual. No interior arco de medio punto peraltado no presbiterio e bóveda de nervios de estilo gótico.
• Casa da Touza, do século XVII. Barroca con cheminea monumental, destaca a torre de planta cadrada. Ten un pombal de cantería.

• 
  Cabeceira da igrexa de Navío.
• 
  Portada da igrexa de Navío.
• 
  Capiteis dereita na portada da igrexa de Navío.
• 
  Capiteis esquerda na portada da igrexa de Navío.
• 
  Canzorros no muro da ábsida da igrexa de Navío.
• 
  Canzorros na ábsida da igrexa de Navío.

• Lugares de San Amaro

• Blog con información sobre San Fiz de Navío