Morten Gamst Pedersen

(2012)
Biografía
Nacemento	8 de setembro de 1981 (43 anos) Vadsø, Noruega (pt)
Altura	183 cm
Peso	72 kg
Actividade
Ocupación	futbolista
Período de actividade	2000 -
Nacionalidade deportiva	Noruega
Deporte	fútbol
Liga	Premier League
Posición de xogo	Extremo esquerdo
Número deportivo	8
Traxectoria   Equipo 2000–2004 Tromsø IL 103 (40) 2004–2013 Blackburn Rovers 288 (35) 2013–2014 Karabükspor 10 (0) 2014–2016 Rosenborg Ballklub 27 (3) 2016– Tromsø IL   Selección nacional 1999–1999   Noruega sub-18 4 (3) 2000–2000   Noruega sub-19 2 (0) 2001–2004   Noruega sub-21 18 (10) 2004–2014   Noruega 83 (17)
Familia
Pai	Ernst Pedersen
Premios
(2006)  Finnmark County Culture Prize (en)

Morten Gamst Pedersen, nado o 8 de setembro de 1981 en Vadsø, é un futbolista noruegués que como centrocampista ou extremo esquerdo.

Orixinario do condado de Finnmark, comezou a súa carreira no Tromsø IL, o club da principal cidade do norte do país, Tromsø.

Logo de catro anos no campionato noruegués, onde logrou marcar unha media dun gol cada dous partidos, fichou polos Blackburn Rovers en 2004 e xogou o seu primeiro partido da Premier League o 28 de agosto de 2004, contra o Manchester United, que acabou nun empate 1-1. Rematou a tempada 2004-2005 como o segundo mellor goleador do club, con 8 goles.

Durante a tempada 2006-2007 figurou como titular na maioría dos encontros, xogando como extremo esquerdo e marcou 6 goles na liga, ademais de realizar 11 asistencias.

En agosto de 2013 firmou de balde co club turco do Karabükspor.

En marzo de 2014 volveu a Noruega para xogar co Rosenborg^[1], principiou ben a tempada pero unha lesión arredouno dos terreos de xogo e en xaneiro de 2016 o club e o xogador concordaron en poñer fin ao contrato.^[2] e ao pouco fichou polo Tromsø^[3]

Morten Gamst Pedersen xogou por primeira volta coa selección do seu país en 2004, e o o 18 de febreiro de 2004 marcou dous goles contra Irlanda do Norte, nunha vitoria final por 4 a 1. O 2 de setembro de 2006, durante un partido de clasificación para a Eurocopa 2008 contra Hungría marcou un gol semellante ao realizado polo seu ídolo, a estrela neerlandesa da década de 1980 Marco van Basten, na final da Eurocopa de 1988. Os xornais noruegueses, como o Aftenposten ou o Dagbladet déronlle o sobrenome de "Van Gamsten".^[4] Logo dese partido recibiu o Gullklokka, que é unha distinción dada os internacionais noruegueses que chegaron ás 25 convocatorias coa selección nacional.

O 12 de agosto de 2009, nun partido de clasificación para o mundial de 2010 contra Escocia, marcou un dobre que lle permitiu ao seu equipo impoñerse. Xogou o seu último partido coa selección nacional contra Chequia o 5 de marzo de 2014 nun empate 2–2.