Merexo é un lugar da parroquia de San Martiño de Ozón no concello coruñés de Muxía na comarca de Fisterra. Tiña 133 habitantes no ano 2009 segundo datos do Instituto Nacional de Estadística, dos cales 65 eran homes e 68 eran mulleres.
Está situada na ladeira oeste dun pequeno monte, presidindo unha enseada. É un lugar moi típico, tanto polos seus hórreos como polas súas casas tradicionais, varias delas restauradas fai pouco tempo.
Entre os seus atractivos turísticos atópase a praia do Lago, cuxa parte meridional se acha neste lugar.
Por este lugar pasa a 6ª etapa da ruta de sendeirismo do Camiño dos Faros
Economía
Na punta de Merexo houbo unha fábrica de salgadura, aínda que na actualidade instalouse unha piscifactoría que se dedica á produción do rodaballo.
Actualmente atópase nunha disputa entre a Xunta, que quere construír unha planta de acuicultura de máis 270.000 m2, e os veciños do lugar, que non a queren.
Lugares e parroquias
Lugares de San Martiño de Ozón
Parroquias de Muxía
Véxase tamén
Ligazóns externas