Marko Luković

Modelo:BiografíaMarko Luković

Editar o valor en Wikidata
Biografía
Nacemento26 de maio de 1992 Editar o valor en Wikidata (32 anos)
Belgrado, Serbia Editar o valor en Wikidata
Altura206 cm Editar o valor en Wikidata
Peso200 lb Editar o valor en Wikidata
Actividade
Ocupaciónbaloncestista Editar o valor en Wikidata
Período de actividade2009 Editar o valor en Wikidata -
Deportebaloncesto Editar o valor en Wikidata
Posición de xogoAla-pivote Editar o valor en Wikidata
Traxectoria Editar o valor en Wikidata
  Equipo Número de partidos xogados Puntos/goles/tantos anotados
– KK Mega Basket
Familia
IrmánsUros Lukovic Editar o valor en Wikidata

Marko Luković (en serbio: Марко Луковић), nado o 26 de maio de 1992 en Belgrado, é un xogador serbio de baloncesto profesional internacional. Formado nas categorías inferiores do Mega Vizura de Belgrado, actualmente xoga para o Río Breogán da Liga ACB.[1] Cunha altura de 2,07 m, xoga na posición de ala-pivote.[2]

Traxectoria

Nado en Belgrado, Serbia, Luković formouse nas categorías inferiores dun dos clubs máis prestixiosos da súa cidade natal, o KK Mega Leks. No club belgradino debutou como profesional en marzo de 2009. Alí xogaría outras sete temporadas, asinando en 2014 co TBB Trier da Basketball Bundesliga, a máxima categoría do baloncesto alemán. Após a finalización da temporada, asina polo KK MZT Skopje macedonio, onde xoga na Liga do Adriático alén de na competición local. Co MZT consegue ser campión de Liga e Copa, competición na que foi escollido como mellor xogador.[3]

Na temporada 2016−17 asina co KK Krka de Novo Mesto, Eslovenia, onde foi un dos mellores xogadores da Liga do Adriático, sendo o quinto máis valorado (17,3), o cuarto máis anotador (16,8) e o terceiro máis reboteador (7,3). A boa temporada fai que chame a atención do UCAM Murcia da Liga ACB, porén a mala situación tanto do xogador como do equipo levano a rescindir o seu contrato co equipo e asinar polo ESSM Le Portel da LNB Pro A. Na seguinte temporada xoga para o Bàsquet Manresa, aínda que en xaneiro regresa á Liga ABA da man do Igokea, onde fai unha media de 12,6 puntos e 3,9 rebots por encontro. Nas dúas seguintes temporadas non se move da liga adriática, xogando para o Koper Primorska e para o Split, onde fai unha media de 15,3 puntos, 4,6 rebotes e 3,0 asistencias por encontro. O 28 de xullo de 2021 regresa á Liga ACB asinando polo Río Breogán da Liga ACB.[1]

Clubs

Ao longo da súa carreira, Luković ten xogado para os seguintes equipos profesionais:[2]

Notas

  1. ↑ 1,0 1,1 "Marko Lukovic, novo xogador do Río Breogán". CB Breogán. 28 de xullo de 2021. Consultado o 30 de xullo de 2021. 
  2. ↑ 2,0 2,1 "Marko Lukovic, Basketball Player". Proballers (en inglés). Consultado o 30 de xullo de 2021. 
  3. ↑ Miljanić, Đorđe (22 de febreiro de 2016). "MZT-u Kup, Luković MVP". mvp.rs (en serbio). Consultado o 30 de xullo de 2021. 

Véxase tamén

Ligazóns externas