Manuel Vázquez Outeiriño

Biografía
Nacemento	12 de decembro de 1940 Zarracós, España
Morte	14 de agosto de 2023 (82 anos) Zarracós, España
Alcalde da Merca
1996 – 2003 ← Rosendo Luis Fernández Fernández – Manuel Jorge Velo Reinoso →
Alcalde da Merca
1979 – 1987 – Rosendo Luis Fernández Fernández →
Actividade
Ocupación	mestre, político
Membro de	Partido Popular de Galicia
Familia
Fillos	José Antonio Vázquez Taín

Manuel Vázquez Outeiriño, nado en Zarracós (A Merca) o 12 de decembro de 1940 e finado neste mesmo lugar o 14 de agosto de 2023, foi un mestre e político galego.

Mestre de Pardavedra (A Bola). Despois foi mestre e logo director do colexio comarcal Curros Enríquez de Celanova. Presentouse ás primeiras eleccións democráticas na Merca encabezando a candidatura da UCD e foi elixido alcalde por maioría absoluta. No congreso extraordinario de Centristas de Ourense en marzo de 1984, no que se acordou por unanimidade a integración, por fusión, en Coalición Galega, participou na mesa deste congreso en representación dos alcaldes da provincia. Volveu ser elixido alcalde logo das eleccións de 1983 por Coalición Galega. Logo da dimisión de Rosendo Fernández Fernández volveu ser elixido alcalde en 1996. Nas eleccións de 1999 volveu presentarse polo PPdeG e foi elixido alcalde.

Finou en Zarracós o 14 de agosto de 2023.^[1][2]

Casou con Teresa Taín Olano e foi pai de Manuel, Floreano, Miguel Ángel, María Teresa, Raquel Elvira e José Antonio Vázquez Taín.^[3]

• Barrera, Feliciano, ed. (2002). "Vázquez Outeiriño, Manuel". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4. 

• Eleccións municipais na Merca

Predecesor: ?	Alcalde da Merca  1979 - 1987	Sucesor: Rosendo Fernández Fernández
Predecesor: Rosendo Fernández Fernández	Alcalde da Merca  1996 - 2003	Sucesor: Manuel Jorge Velo Reinoso