Manuel Rábade Rodríguez

Modelo:BiografíaManuel Rábade Rodríguez
Biografía
Nacemento16 de febreiro de 1901 Editar o valor en Wikidata
Cospeito, España Editar o valor en Wikidata
Mortemarzo de 1991 Editar o valor en Wikidata (90 anos)
Lugo, España Editar o valor en Wikidata
Actividade
Ocupaciónmaquis Editar o valor en Wikidata

Manuel Rábade Rodríguez, nado en Cospeito o 16 de febreiro de 1901 e finado en Lugo en marzo de 1991, foi un guerrilleiro antifranquista galego.

Traxectoria

Veciño de Cospeito. Co golpe de Estado do 18 de xullo de 1936 foi detido o 24 de outubro e internado na cadea de Lugo. Xulgado en Lugo por rebelión na causa 1025/36, foi sobresido. Saíu en liberdade o 4 de febreiro de 1937. Abríronlle expediente de responsabilidades políticas en 1941,[1] que foi sobresido en 1944.[2] Novamente detido, acusado de ter contacto co Partido Comunista e con partidas de guerrilleiros, foi xulgado en consello de guerra o 6 de febreiro de 1948, e condenado por rebelión militar xunto con José Santiago Temprano, Victor López Rodríguez e Maximino Rodríguez Pérez. Estivo na Prisión Central de Burgos, de onde saíu en liberdade condicional en xuño de 1949.[3] Finou en Lugo a finais de marzo de 1991.[4]

Notas

  1. ↑ BOE, 3-10-1941, p. 3628-3629.
  2. ↑ BOP Lugo, 27-3-1944, p. 4.
  3. ↑ BOE, 24-7-1949, p. 3299.
  4. ↑ La Voz de Galicia, Lugo, 2-4-1991, p. 2.

Véxase tamén

Ligazóns externas