Manuel Candocia

Biografía
Nacemento	1945 Cedeira, España
Morte	19 de xaneiro de 2014 (68/69 anos) A Igrexa, España
Causa da morte	infarto
Alcalde das Somozas
1979 – 19 de xaneiro de 2014 (finado no cargo) – Juan Alonso Tembrás →
Actividade
Ocupación	político

Manuel Candocia Ramos, nado en Cedeira en 1945 e finado na Igrexa (As Somozas) o 19 de xaneiro de 2014^[1], foi un político galego, alcalde das Somozas durante máis de tres décadas.

Foi elixido alcalde das Somozas nas primeiras eleccións democráticas por UCD. Continuou no posto despois dos comicios de 1983 e 1987 ao encabezar as candidaturas de Coalición Galega e Coalición Progresista Galega. Nas eleccións municipais de 1991 presentouse polo PPdeG e obtivo de novo a maioría absoluta, que repetiu nas seguintes eleccións. Durante os seus mandatos construíuse o polígono empresarial das Somozas.

Propietario dun bar nas Somozas, foi tamén o presidente do club de fútbol Unión Deportiva Somozas dende 1984 ata o seu falecemento, trinta anos despois.

Predecesor: ?

Alcalde das Somozas  1979 - 2014

Sucesor: Juan Alonso Tembrás

Era fillo de solteira^[2]. Faleceu na tarde do 19 de xaneiro do 2014 mentres presenciaba o partido que enfrontaba a UD Somozas e o CCD Cerceda, a causa dun infarto.

• Eleccións municipais nas Somozas

• Entrevista en La Voz de Galicia, 6 de novembro de 2008.
• Reportaxe en El País, 19 de maio de 2011 (en castelán).