Makarios Carrion

Modelo:BiografíaMakarios Carrion
Biografía
Nacemento1957 Editar o valor en Wikidata (67/68 anos)
RelixiónIgrexa ortodoxa autocéfala ucraína conciliar e Igrexa ortodoxa ucraína - Patriarcado de Kíiv Editar o valor en Wikidata
Actividade
Ocupaciónbispo ortodoxo Editar o valor en Wikidata
ConsagraciónHryhorii Ohiichuk Editar o valor en Wikidata

Makarios,[1] nado como David Carrion en 1957, é un eclesiástico ortodoxo estadounidense, quen co título de bispo de Houston e Texas ten sido parte da xerarquía de varias igrexas ortodoxas non canónicas.

Traxectoria

O 5 de novembro de 1975, sendo xa hieromonxe, rexistrou na xurisdición de Texas a organización sen ánimo de lucro «Diocese ortodoxa-católica de Houston e dependencias».[2] O 24 de abril de 1977 foi elevado ao rango de hegúmeno na xurisdición da Igrexa ortodoxa autocéfala eslavónica de William Andrew Prazsky, e o 7 de maio de 1978 ao rango de arquimandrita.

O 29 de xuño de 1982 foi consagrado bispo da Igrexa ortodoxa autocéfala ucraína - conciliar polo seu metropolita Hryhorii Ohiichuk, xunto con outros dous bispos (William Andrew Prazsky e Anthony Prazsky).[3] Dende o punto de vista legal, a organización que rexistrara en 1975 pasou en 1983 a operar baixo o nome de Igrexa ortodoxa autocéfala ucraína en Texas.[2] En 1985, logo do pasamento de Ohiichuk, separouse de dita igrexa e proclamou a autonomía da súa diocese.[3]

Recoñeceu en 1991 a autoridade suprema do novo patriarca de Kíiv Mstyslav Skrypnyk, mais sen chegar a formar parte da Igrexa ortodoxa autocéfala ucraína.[3] Anos mais tarde, o 23 de novembro de 1998, foi aceptado na xurisdición da Igrexa ortodoxa ucraína - Patriarcado de Kíiv,[4] pero separouse nalgún momento da década de 2000;[3] en 2006 celebrou a Divina Liturxia xunto co patriarca Filaret Denysenko.[5]

Posteriormente, o bispo Makarios estabeleceu privadamente a comuñón plena coa Igrexa ortodoxa autocéfala belarusa e co bispo da Igrexa ortodoxa ucraína do Patriarcado de Kíiv Oleksandr Bykovets.[3] Así, o 11 de maio de 2008 participou na consagración episcopal de Sviataslaŭ Lohin.[3] Finalmente, en 2010 participou na asemblea episcopal que creou a Igrexa ortodoxa autocéfala ucraína (conciliar) do patriarcado de Kíiv.[3][6] Na asemblea, celebrada os días 29 e 30 de maio na cidade de Brunswick (Ohio), decidiuse estender as actividades da Igrexa ao Brasil, a Arxentina, México e ás illas do Caribe, encargando a atención espiritual destes países a Makarios polo seu coñecemento do castelán e do portugués; o concilio tamén nomeou a Makarios arcebispo.[7]

O 19 de xuño de 2011 participou na ordenación episcopal do bispo da Igrexa ortodoxa autocéfala belarusa Serachvim Čykita.[8]

O 3 de agosto de 2011 rexistrou na xurisdición de Texas unha nova organización relixiosa, a Igrexa ortodoxa autocéfala ucraína - Fóra de Ucraína.[9] Ao ano seguinte, en outubro de 2012 foi elixido metropolitano da Igrexa ortodoxa autocéfala ucraína - Fóra de Ucraína.[10]

Por outra banda, o 9 de xuño de 2014 rexistrouse en Texas tamén unha organización sen ánimo de lucro co nome de «Igrexa ortodoxa autocéfala belarusa», que se corresponde coa escisión de Serachvim Čykita, quen abandonara a Igrexa ortodoxa autocéfala belarusa; ademais de Makarios e Serachvim, tamén está vencellado a esta organización o bispo David Jones.[11]

O bispo ten como residencia o mosteiro dos Catro Evanxelistas de Houston, estando a catedral de San Xoán Crisóstomo a carón deste mosteiro.[3][10]

Notas

  1. ↑ Aparece nalgunhas fontes en lingua ucraína como Макарій (Геррінґ) e Макарій (Карріон), en lingua rusa como Макарий (Херринг). Tamén citado como Vladyka Makarios.
  2. ↑ 2,0 2,1 "THE EASTERN ORTHODOX-CATHOLIC DIOCESE OF HOUSTON AND DEPENDENCIES". Opencorporates.com (en inglés). Consultado o 10/12/2024. 
  3. ↑ 3,0 3,1 3,2 3,3 3,4 3,5 3,6 3,7 Слесарев, А.В. (7 de maio de 2010). "Макарий (Херринг) - Епископ Хьюстонский и Техасский" (en ruso). Arquivado dende o orixinal o 15 de decembro de 2019. Consultado o 7/12/2024. 
  4. ↑ Μάρκου, Μάρκος. "Διοικητική διάρθρωση της Ορθόδοξης Εκκλησίας - Έτη 1960-2023: ΕΤΟΣ 1998 - ΠΑΤΡΙΑΡΧΕΙΟ ΚΙΕΒΟΥ" [Estrutura administrativa da Igrexa ortodoxa - Anos 1960-2023: ANO 1998 - PATRIARCADO DE KÍIV] (en grego). Consultado o 9/12/2024. Επίσκοποι. Ο Χιούστον και Τέξας Μακάριος. 29-06-1982 [...] Επίσκοπος Μακάριος έγινε δεκτός στη δικαιοδοσία του Πατριαρχείου Κιέβου στις 23-11-1998. 
  5. ↑ "Візит Святійшого Патріарха в США" [Visita da Súa Santidade o Patriarca aos EUA] (en ucraíno). 15 de novembro de 2006. Consultado o 7/12/2024. В неділю 5 листопада відбулася центральна подія в житті громади парафії св. Стефана в м. Бронсвік. Святійший Патріарх відслужив Божественну літургію. Йому співслужили архиєпископ Уманський Олександр, єпископ із Техасу Макаріос, протоієрей Петро Зинич, секретар вікаріату протоієрей Олег Жовнірович, благочинний протоієрей Богдан Згоба, настоятель храму протоієрей Георгій Ощанівський, протоієрей Димитрій Бєленький, протоієрей Володимир Немиря, протоієрей Іван Телебзда та інші. 
  6. ↑ Слесарев, А.В. (6 de maio de 2010). "В конце мая 2010 г. произойдет провозглашение новой украинской неканонической религиозной организации" [A finais de maio de 2010, se proclamará unha nova organización relixiosa ucraína non canónica] (en ruso). Arquivado dende o orixinal o 14 de xullo de 2016. Consultado o 7/12/2024. 
  7. ↑ Слесарев, А.В. (8 de xuño de 2010). "Состоялся Церковный Собор "Украинской Автокефальной Православной Церкви (Соборноправной) Киевского Патриархата"" [Celebrado o concilio eclesiástico da Igrexa ortodoxa autocéfala ucraína (conciliar) do patriarcado de Kíiv] (en ruso). Arquivado dende o orixinal o 8 de abril de 2016. Consultado o 8/12/2024. 
  8. ↑ "Хіратонія новага япіскапа БАПЦ" [Ordenación de novo bispo da IOAB] (en belaruso). 19 de xuño de 2011. Arquivado dende o orixinal o 25/07/2011. Consultado o 7/12/2024. 19 (6) чырвеня 2011 г. [...] хіратонія Архімандрыта а. Сэрахвіма (Чыкіты) [...] Архірэйскую хіратонію выканалі: Правялебны Сьвятаслаў, Япіскап Наваградзкі, кіруючы япіскап БАПЦ, і Ўкраінскія Ўладыкі: Высокаправялебны Аляксандр, Архіяпіскап Уманскі і Дэтройцкі і Высокаправялебны Макарыос, Архіяпіскап Г’юстанскі і Тэхаскі (УАПЦ у ЗША, хіратонія якіх паходзіць ад ярархіі ЎАПЦ у часе ІІ сусьветнае вайны). 
  9. ↑ "Ukrainian Autocephalous Orthodox Church-Outside Ukraina". Opencorporates.com (en inglés). Consultado o 10/12/2024. 
  10. ↑ 10,0 10,1 "METROPOLITAN ELECTED AND INSTALLED". Ukrainian Autocephalous Orthodox Church - Outside Ukraine (en inglés). Consultado o 11/12/2024. 
  11. ↑ "Belarusan Autocephalous Orthodox Church". Opencorporates.com (en inglés). Consultado o 11/12/2024.