Lottie Cunningham Wren, nada en Bilwaskarma o 29 de setembro de 1959, é unha avogada e ambientalista nicaraguana de orixe indíxena miskito.[1] Dedícase á defensa do territorio e a protección de ecosistemas locais. Debido á súa traxectoria como defensora de dereitos humanos, recibiu un recoñecemento por parte da fundación sueca Right Livelihood Award en 2020.[2][3]
Traxectoria
Cunningham foi parte da rede de organizacións que acompañou á comunidade indíxena de Awas Icni, que levou unha denuncia contra o Estado de Nicaragua por non asegurar o dereito ancestral da comunidade á propiedade do seu territorio e por outorgar unha concesión sen o seu consentimento.[4]
Estudou Dereito na Universidade Centroamericana en Managua e ten un Doutoramento en Xurisprudencia.[5]
Achegas
Cunningham combinou elementos de dereito nacional e internacional para a defensa do dereito á propiedade territorial dos pobos indíxenas e afrodescendentes, ademais de contar con experiencia en programas de atención a mulleres vítimas de violencia.[6]
Notas
_(cropped).jpg)
