Logo de Google

Logotipo de Google, lanzado o 1 de setembro de 2015.

O logo de Google é un deseño creativo que forma parte da imaxe corporativa da empresa Google. Para celebrar eventos especiais, Google troca o logo tradicional por un alusivo ó evento, o que recibe o nome de doodle.[1]

Nos comezos de Google, Sergey Brin, fundador de Google xunto con Larry Page, crearon unha versión do logotipo coa axuda do programa de retoque fotográfico GIMP. O signo de exclamación colocado ó final do logotipo lembra ó de Yahoo!.

  • Logo inicial de 1997
    Logo inicial de 1997
  • Logo orixinal en Baskerville Bold, empregado dende setembro a outubro de 1998, cunha combinación de cores distinta á actual.
    Logo orixinal en Baskerville Bold, empregado dende setembro a outubro de 1998, cunha combinación de cores distinta á actual.
  • Logo empregado dende outubro de 1998 até o 30 de maio de 1999.
    Logo empregado dende outubro de 1998 até o 30 de maio de 1999.
  • Logo empregado dende o 31 de maio de 1999 até o 5 de maio de 2010. Deseñado por Kedar Ruth, baseado na tipografía Catull.
    Logo empregado dende o 31 de maio de 1999 até o 5 de maio de 2010. Deseñado por Kedar Ruth, baseado na tipografía Catull.
  • Logo dende o 6 de maio de 2010 até o 18 de setembro de 2013.
    Logo dende o 6 de maio de 2010 até o 18 de setembro de 2013.
  • Logo dende o 19 de decembro de 2013 até o 31 de agosto de 2015.
    Logo dende o 19 de decembro de 2013 até o 31 de agosto de 2015.
  • Logo dende o 1 de setembro de 2015.
    Logo dende o 1 de setembro de 2015.

Google Doodle

O primeiro Google Doodle que apareceu na páxina principal do motor de busca foi Burning Man o 30 de agosto de 1998. Os logotipos posteriores de Google foron deseñados polo deseñador gráfico Dennis Hwang, quen foi contratado por Larry Page e Sergey Brin para deseñar un logotipo que representase o Día da Bastilla.

Algúns logotipos de Google deseñáronse para conmemorar os nacementos e mortes de persoas famosas, como Isaac Albéniz, John Lennon, Andy Warhol, Albert Einstein, Leonardo da Vinci, Rabindranath Tagore, Louis Braille, Percival Lowell, Nikola Tesla, Enrique Granados, Béla Bartók, René Magritte, Michael Jackson, Freddie Mercury, Akira Kurosawa, H. G. Wells, Charlie Chaplin...

O 24 de febreiro de 2015, o Doodle Google estivo adicado a Rosalía de Castro, que conmemoraba o 178 aniversario do seu nacemento.[2]

Notas

  1. ↑ Google, Historia de los doodles Arquivado 26 de febreiro de 2012 en Wayback Machine..
  2. ↑ L, M (23 de febreiro de 2015). "Google dedica o seu “doodle” a Rosalía no seu aniversario". Sermos Galiza. Arquivado dende o orixinal o 24 de febreiro de 2015. Consultado o 24 de febreiro de 2015. 

Véxase tamén

Ligazóns externas