Na primavera de 2013 xogouse a Liga Galega de Fútbol Gaélico 7 contra 7, só na categoría masculina.[1] Na tempada 2014/15 participaron cinco equipos na categoría masculina (xogando 11 contra 11) e tres na feminina (xogando 7 contra 7).[2] Na tempada 2015/16 a categoría masculina, con once equipos, dividiuse en primeira e segunda división, mentres que na categoría feminina participaron oito equipos.[3] Na tempada 2018/19 participaron doce equipos na categoría masculina, con tres divisións, e sete equipos na categoría feminina.
A tempada 2019/20 viuse afectada pola pandemia de Covid-19, que provocou tamén a redución de equipos de cara á tempada 2020/21, con seis equipos na categoría masculina e tres na feminina. Nas tempadas 2021/22 e 2022/23 houbo dúas divisións na categoría masculina e unha na feminina, mentres que na tempada 2023/24 participaron nove equipos na categoría masculina e seis equipos en categoría feminina.
