Las Nacionalidades, subtitulada como revista semanal, ilustrada, política e literaria foi unha revista publicada en Madrid entre o 20 de novembro de 1880 e 1882.
Traxectoria e características
Editouse na tipografía de Góngora, que tamén facía de administración. Publicábase os sábados con 16 páxinas a dúas columnas e o último número foi o 57 en 1882.
O seu fundador e director foi Alejo García Moreno,[1] e tiña unha ideoloxía republicana federal. Entre os seus contidos predominaban as biografías dos principais persoeiros republicanos do momento como Nicolás Salmerón, Francesc Pi i Margall ou Emilio Castelar e a análise das constitucións federais do mundo como a suíza, a alemá ou a estadounidense.
Notas
Véxase tamén
Ligazóns externas
