Lar Galicián
Lingua	lingua galega
Localidade	Corrientes
Na rede
[ editar datos en Wikidata ]

Lar Galicián foi un periódico editado en Corrientes entre 1926 e 1927.

Subtitulado Folla Galeguista, apareceu o 1 de decembro de 1926. Era o órgano de expresión da sociedade homónima, estaba dirixido por unha muller, Valvanera Iglesias,^[1] e tiña unha periodicidade quincenal. Escrita maioritariamente en galego, tiña como finalidade informar aos galegos de Corrientes e do norte da Arxentina sobre as actividades de Lar Galicián e animalos a facerse socios. Tamén incluíu artigos sobre Galicia e achegas literarias de colaboradores como Castelao, Wenceslao Fernández Flórez e Ricardo Barros Pintos xunto con poemas de Rosalía de Castro. O último número coñecido é o 4, que apareceu na primeira quincena de febreiro de 1927.

• "Lar Galicián". Enciclopedia Galega Universal. Ir Indo. 1999-2002. ISBN 84-7680-288-9. 
• "Lar Galicián". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Peña Saavedra, Vicente (dir.) (1998). Repertorio da prensa galega da emigración. Santiago de Compostela: Consello da Cultura Galega. ISBN 84-87172-30-X. 

• Publicacións impresas da diáspora galega

• Ficha de Lar Galicián no Repertorio da prensa da emigración galega do CCG.