Lagartóns
Igrexa de Santo Estevo de Lagartóns.
Concello	A Estrada[1]
Provincia	Pontevedra
Coordenadas	42°41′30″N 8°26′57″O / 42.69172263, -8.44907182
Poboación	278 hab. (2017)
Entidades de poboación	14[1]
[ editar datos en Wikidata ]

Santo Estevo de Lagartóns é unha parroquia que se localiza no concello da Estrada. Segundo o IGE en 2009 tiña 325 habitantes (174 mulleres e 151 homes), distribuídos en 14 entidades, o que supón unha diminución respecto de 1986 cando tiña 365 habitantes. En 1842 tiña unha poboación de feito de 176 persoas.

Igrexa de Santo Estevo de Lagartóns, conserva restos románicos: a ventá do testeiro, o arco triunfal e unha porta no muro setentrional. Sobresae o capitel setentrional que amosa un raposo que vén de pillar unha galiña que ten na boca.

Festa do Labrego. Celébrase no lugar do Viso e consiste unha feira con produtos de artesanía, xogos para os nenos e unha exhibición cabalar. Empezou a celebrarse o 16 de maio de 1916 cando os labregos da época se enfrontaron ao caciquismo local e conseguiron a liberdade de mandar nas súas propias terras. Na súa honra levantouse na parroquia un monumento ao “labrego”.

• 
  Fiestra na igrexa de Santo Estevo de Lagartóns.
• 
  Cruceiro e igrexa de Lagartóns.

• Lugares da Estrada