A LNFA 2018 foi a 24ª edición da Liga Nacional de Fútbol Americano. A máxima categoría recibe o nome de Serie A, e conta con 14 equipos participantes. O torneo comezou o 13 de xaneiro e rematou o 2 de xuño coa final que tivo lugar en Xixón.^[1] Os Black Ravens de Santiago de Compostela convertéronse no primeiro equipo galego na historia da liga. Os Badalona Dracs competían como defensores do título acadado na LNFA 2017^[2] e repetiron como campións derrotando a Murcia Cobras na final.

LNFA Serie A - Grupo 1

Dracs Firebats Imperials Pioners Voltors

2018

LNFA Serie A - Grupo 2

Camioneros Cobras Giants Lions Sharks

2018

LNFA Serie A - Grupo 3

Black Demons Black Ravens Coyotes Mariners Osos

2018

A máxima categoría do fútbol americano español mudou de formato na tempada 2018. O número de equipos participantes medrou de 6 a 15, divididos en tres grupos por criterios xeográficos.^[3]

Durante a fase de liga regular cada equipo disputará oito encontros, dous contra cada rival do seu propio grupo, e terá dúas xornadas de descanso, completándose un total de dez xornada de liga regular. Deste xeito, en cada xornada se disputarán seis encontros (dous por grupo) e haberá tres equipos descansando (un por grupo). Esta fase comezará o 13 de xaneiro de 2018, e rematará o 15 de abril.

Ó remate da liga regular establecerase unha clasificación conxunta dos tres grupos. Nela, os doce primeiros equipos da táboa xogarán as eliminatorias polo título, e os tres últimos xogarán as eliminatorias de descenso de categoría.

Na loita polo título os catro mellores da clasificación conxunta estarán exentos da primeira rolda de eliminatorias. Os restantes equipos disputarán entre eles unha eliminatoria (28/29 de abril) previa ós cuartos de final do seguinte xeito:

• 5º contra 12º
• 6º contra 11º
• 7º contra 10º
• 8º contra 9º

Os cuartos de final levaranse a cabo o 5/6 de maio:

• (a) 1º contra 8º/9º
• (b) 2º contra 7º/10º
• (c) 3º contra 6º/11º
• (d) 4 contra 5º/12º

As semifinais serán o 19/20 de maio:

• (a) contra (d)
• (b) contra (c)

A final celebrarase o 2/3 de xuño.

Por outra banda, as eliminatorias polo descenso serán entre o 5/6 de maio e o 9/10 de xuño. Dos tres equipos da Serie A participantes un descenderá, outro promocionará e outro manterá a categoría. Primeira eliminatoria:

• 14º contra 15º (o perdedor descende á Serie B)

Segunda eliminatoria:

• 13º contra 14º/15º (o gañador acada a permanencia)

A terceira eliminatoria:

• Subcampión da Serie B contra o perdedor da segunda eliminatoria (o gañador xogará en Serie A e o perdedor en Serie B) ^[4]

Pos.	Equipo	%	X	G	E	P	Dif	Def
1º	Murcia Cobras	1.000	8	8	0	0	254	4'9
2º	Badalona Dracs	1.000	6	6	0	0	243	5'8
3º	Osos Rivas	0.875	8	7	0	1	221	8'6
4º	Las Rozas Black Demons	0.875	8	7	0	1	253	8'3
5º	Camioneros Coslada	0.750	8	6	0	2	222	4'9
6º	Valencia Firebats	0.500	6	3	0	3	-39	22'5
7º	Gijón Mariners	0.500	8	4	0	4	-14	23'3
8º	Valencia Giants	0.500	8	4	0	4	-75	24'1
9º	Mallorca Voltors	0.500	6	3	0	3	-50	28'3
10º	Santurtzi Coyotes	0.250	8	2	0	6	-162	32'9
11º	Granada Lions	0.125	8	1	0	7	-196	29'8
12º	Alicante Sharks	0.125	8	1	0	7	-205	30
13º	L'Hospitalet Pioners	0.000	6	0	0	6	-154	33'5
14º	Santiago Black Ravens	0.000	8	0	0	8	-298	39'8
15º	Reus Imperials (retirados)	-	-	-	-	-	-	-

• %: Proporción de vitorias / X: Xogados / G: Gañados / E: Empatados / P: Perdidos / Dif: Diferenza entre puntos anotados e recibidos / Def: Media de puntos recibidos por partido

A clasificación establécese segundo a porcentaxe de encontros gañados. No caso de empate, estes son os criterios de desempate entre os equipos afectados:

1. Maior porcentaxe de vitorias (%)
2. Enfrontamentos directos
   1. Maior porcentaxe de vitorias (G/X)
   2. Menos puntos recibidos por partido (Def)
   3. Maior diferenza entre puntos anotados e recibidos (Dif)
3. Menos puntos recibidos por partido no total da competición (Def)
4. Maior diferenza entre puntos anotados e recibidos por partido no total da competición (Dif/X)
5. Menos xogadores expulsados no total da competición
6. Sorteo

Os Reus Imperials, vixentes subcampións da LNFA 2017, renunciaron a participar no torneo por razóns económicas e de persoal tres días antes do comezo da competición.^[5]

• Páxina oficial da Federación Española de Fútbol Americano (en castelán)