Juan Bugeiro Pérez

Biografía
Nacemento	c. 1880
Morte	17 de abril de 1945 (64/65 anos) Muxía, España
Alcalde de Cee
1936 – 1936 – Guillermo Quintana Pardo →
Actividade
Ocupación	avogado, político

Juan Bugeiro Pérez, nado cara a 1880 e finado en Muxía o 17 de abril de 1945, foi un avogado e político galego.

Avogado e perito agrícola en Cee. Xuíz municipal de Cee (1909). Presidiu a Asemblea de peritos agrícolas e agrimensores celebrada en Ourense en 1912 e foi presidente da Asociación Regional de Peritos Agrimensores (1913). Foi correspondente en Muxía de El Orzán.^[1] Na ditadura de Primo de Rivera foi concelleiro de Cee. Na República foi elixido concelleiro en 1931. Militou en Unión Republicana e foi alcalde de Cee en 1936. Co golpe de Estado do 18 de xullo de 1936 foi sancionado economicamente cunha multa de 250 ptas. Morreu en Muxía o 17 de abril de 1945 con 64 anos.^[2]

Predecesor: Argimiro Guillén Cereijo

Alcalde de Cee  1936

Sucesor: Guillermo Quintana Pardo

Casou con Teresa García Lago, e foi pai de Juan e José Bugueiro García.

• Xeración perdida. Coruña 36 (PDF). Deputación da Coruña. 2018. p. 166. ISBN 9788498123319.