José Blanco Novo, nado en Ferrol o 24 de outubro de 1891 e finado en 1971, foi un garda civil e o primeiro radioafeccionado de Galicia.
Traxectoria
Estudou no Colexio Masquelet de Ferrol. Despois pasou á Academia de infantaría de Toledo, onde se iniciou na radio. Incorporouse como oficial ao Batallón de Cazadores de Segorbe nº 12 de Melilla en outubro de 1913. Ascendido a tenente, foi destinado ao Rexemento de Valencia en 1916, e ingresou no Corpo da Garda Civil o 3 de xullo de 1916 con destino na Comandancia da Coruña. Estivo ao do posto de Arzúa e en 1918 foi enviado ao posto de Carnota. Ao mando da liña de Ferrol interveu na folga de cargadores do peirao de 1921. Ao ano seguinte foi ascendido a capitán e destinado a Vilagarcía de Arousa. En xuño de 1924 asumiu o mando da Garda Civil de Santiago de Compostela. En abril de 1926, a Dirección Xeral de Comunicacións concedeulle autorización para o funcionamento da estación de radioafeccionado co indicativo EAR-28. E ese ano gañou a medalla de ouro da primeira edición do concurso de transmisión organizado pola Asociación EAR, xunto a Jenaro Ruiz de Arcaute. Foi ascendido a coronel en 1947 e despois a xeneral de brigada. Pasou a reserva en 1957.[1]
Recoñecementos
- Cruz de primeira clase da orde de Beneficencia (1920).
- Gran Cruz do Mérito civil (1966).[2]
Vida persoal
Era curmán de Adelardo Novo Brocas. Casou en 1918 con María de los Dolores Martínez Laverón.
Notas
- ↑ La Noche, 6-11-1957, p. 6.
- ↑ La Noche, 5-10-1966, p. 8.
Véxase tamén
Ligazóns externas
- José Blanco Novo, EAR-28 (1891-1971), Capítulo I. De sus primeros años de vida hasta que es destinado a Vilagarcía de Arousa (1891-1922)
- José Blanco Novo, EAR-28 (1891-1971), Capítulo II. De su destino en Vilagarcía de Arousa
- José Blanco Novo, EAR-28 (1891-1971), Capítulo III. Primeros años en Santiago de Compostela
- José Blanco Novo, EAR-28 (1891-1971), Capítulo IV. La concesión de autorización para uso legal de su estación de radioaficionado con indicativo EAR-28
- José Blanco Novo, EAR-28 (1891-1971), Capítulo V. El oro en la primera edición del Concurso de transmisiones organizado por la asociación EAR (1926-1927)
