José Besada Domínguez

Modelo:BiografíaJosé Besada Domínguez
Biografía
Nacemento1882 Editar o valor en Wikidata
O Grove, España Editar o valor en Wikidata
Morte7 de xaneiro de 1971 Editar o valor en Wikidata (88/89 anos)
O Grove, España Editar o valor en Wikidata
Alcalde do Grove
21 de febreiro de 1936 – 22 de febreiro de 1936
← Joaquín Álvarez Lores
Alcalde do Grove
1931 – 1934
← Francisco Otero Goday – Joaquín Álvarez Lores → Editar o valor en Wikidata
Actividade
Ocupaciónpolítico Editar o valor en Wikidata

José Besada Domínguez, nado no Grove en 1882 e finado no mesmo concello o 7 de xaneiro de 1971,[1] foi un empresario, agrarista e político galego.

Traxectoria

Organista da parroquia, aos sete anos formaba parte da agrupación musical do Grove da que chegou a ser director aos catorce. En 1900 emigrou a Buenos Aires. Integrado na comunidade galega creou a Banda de Música de Avellaneda e foi director do seu orfeón. En 1905 retornou ao Grove, abriu unha carpintería e un ultramarinos, e tamén a Panadería Besada. En 1914 abriu unha sala de espectáculos que denominou "Manuel Quiroga". Organizou novamente a banda de música da que foi outra vez director,[2] e compuxo algunhas pezas musicais, "Vida Galega" é a máis coñecida.[3] Agrarista, compuxo en 1914 un himno para a Unión Agraria do Grove. En 1921 abriu unha sala cinematográfica, o Teatro-Cine Besada, e amenizaba musicalmente as películas mudas tocando el mesmo o piano.

Na Segunda República foi elixido alcalde do Grove nas eleccións de maio de 1931.[4] Logo da folga xeral revolucionaria de 1934 foi cesado como alcalde. Logo da vitoria da Frente Popular foi reposto no cargo o 21 de febreiro de 1936, pero ao día seguinte presentou a dimisión, alegando as moitas dificultades para exercer o cargo.[5] Logo do golpe de Estado do 18 de xullo de 1936 estivo fuxido e foi represaliado.[6]

Predecesor:
Francisco Otero Goday 		 
Alcalde do Grove 
1931 - 1934 		Sucesor:
Joaquín Álvarez Lores
Predecesor:
Joaquín Álvarez Lores 		 
Alcalde do Grove 
1936 		Sucesor:
Baldomero Sanmartín González

Vida persoal

Casou con Dolores Álvarez Gondar e foi pai de Peregrina, José, Dolores, Miguel e Fernando Besada Álvarez.

Notas

  1. ↑ Necrolóxica en La Voz de Galicia, 8-1-1971, p. 4.
  2. ↑ "Revista Sustansia". Arquivado dende o orixinal o 31 de maio de 2020. Consultado o 28 de setembro de 2013. 
  3. ↑ "Revista Sustansia". Arquivado dende o orixinal o 31 de maio de 2020. Consultado o 28 de setembro de 2013. 
  4. ↑ Una fotografía para la memoria y con mucha historia
  5. ↑ El Pueblo Gallego, 26-2-1936, p. 10.
  6. ↑ "Falleció D. José Besada Domínguez", El Pueblo Gallego, 10-1-1971, p. 15.

Véxase tamén

Ligazóns externas