José Montouto Rodríguez

Biografía
Nacemento	1890 Donsión, España
Morte	9 de novembro de 1936 (45/46 anos) Tenorio, España
Causa da morte	paseo, ferida por arma de fogo
Actividade
Ocupación	obreiro, sindicalista

José María Montouto Rodríguez, nado en Donsión (Lalín) en 1890 e finado en Tenorio (Cerdedo-Cotobade) o 9 de novembro de 1936, foi un obreiro e sindicalista galego.

Participou na fundación da sociedade obreira de Ponte-Nova (Donsión), da que foi elixido vicetesoureiro en 1931.^[1] Co golpe de Estado do 18 de xullo de 1936 foi detido o 9 de setembro, permanecendo na Prisión de Lalín ata que o 4 de novembro foi trasladado á illa de San Simón, de onde o sacaron o 9 de novembro de 1936 xunto a outros dez de Lalín e Arbo, para asasinalos na Volta do Couto, na parroquia de Tenorio (Concello de Cotobade). A súa muller inscribiu a “desaparición” no Rexistro civil de Lalín en 1943.

Casou con Rosa Abeledo e tivo oito fillos.

• Igrexas, Manuel: "A masacre dos líderes obreiros en Tenorio" (30/8/2012) en Historias de Deza.