José Martínez Virel

Biografía
Nacemento	14 de marzo de 1902 Badaxoz, España
Morte	valor descoñecido valor descoñecido
Actividade
Ocupación	mestre, político
Cronoloxía
27 de xullo de 1936-28 de xullo de 1936	evasión do San José n.º 2

José Martínez Virel, nado en Badaxoz o 14 de marzo de 1902,^[1] foi un mestre e político español.

Fillo de José Martínez García, profesor da Escola Normal de Badaxoz e despois da de Cáceres. En 1933 foi destinado como mestre a Escarabote. Logo do triunfo da Fronte Popular en febreiro de 1936 foi concelleiro en Boiro e primeiro tenente alcalde. Co golpe de Estado do 18 de xullo de 1936 foi destituído o 21 de agosto. Foi un dos organizadores da evasión da lancha San José n.º 2 de Cabo de Cruz o 27 de xullo. Desembarcaron no porto de Leixões e foron detidos e recluídos no forte de Caxías. Liberado en agosto, embarcou para Francia e pasou a territorio leal. Declarado fuxido e en rebeldía. Foi capturado e xulgado en consello de guerra en Santiago de Compostela o 20 de setembro de 1940. Condenado, estivo preso na prisión provincial da Coruña. Saíu en liberdade provisional por orde do Ministerio de Xustiza do 31 de maio de 1941.^[2] Revisado o seu expediente de depuración logrou, o 31 de agosto de 1960, que a sanción inicial se reducise ao traslado fóra da provincia durante tres anos.

Casou coa súa curmá Elena Virel Manzano en La Albuera en 1931.^[3]

• Gabriel, Narciso de (2021). Vermellos e laicos. A represión fascista do maxisterio coruñés. Vigo: Galaxia. pp. 298–308. ISBN 978-84-9151-614-9. 

• Rodríguez Gallardo, Antón (2022). A Segunda República en Boiro (1931-1936) (PDF). Deputación da Coruña. ISBN 978-84-9812-394-4. 
• Xeración perdida. Coruña 36 (PDF). Deputación da Coruña. 2018. p. 163. ISBN 9788498123319.